Pagi itu Mpok Minah sibuk betul ngelayanin para pembeli yang ingin sarapan pagi, saking sibuknya dia kaga denger kalo ada mpok atih yang mau beli nasi uduk semur jengkol bikinannye yang terkenal di kampung kalisari. Semur jengkolnya yang empuk, pulen, serta legit bikin ketagihan oran yang makan.
“Mpok…mpok….mpok Minah ?”
Saking sibuknya mpok minah kaga denger kalo mpok atih manggilin dia. Lalu mpok atih manggil-manggil dia lagi dengan suara yang lebih kenceng.
“Mpok Minah…mpok….?”
“Eh…..elu tih, ngapa lu manggilin gua ?”
Sambil ngebalik gorengan bakwan yang bentar lagi mau mateng, Mpok Minah langsung ngambil bungkusan nasi uduk.
“Ini..mpok mau beli nasi uduk”
“Elu mau beli nasi uduk tih ?”
“ Iya mpok, biasa nasi uduk 3 bungkus jangan lupa pake semur jengkol”. Kata Mpok Minah sambil duduk.
“Sekarang gua repot banget tih kaga ada yang bantuin.”
“Emang repot apaan si mpok?” Tanya Mpok Atih .
“Lah kalunya…dari tadi orang beli kaga berenti-berenti.”
Sambil ngambil gorengan yang masih anget,Mpok Atih nerusin omongannya lagi.
“Lah kan enak Mpok dagangan jadi cepet abis.”
Sambil ngambil centong nasi Mpok Minah ngeluh ama Mpok Atih.
“Lah kalunya…dari tadi gua kaga napas-napas . Lah duduk aja gua kaga bisa. Kaki gua aja pada pegel-pegel.”
“Lah…kan enak Mpok, duit jadi pada ngumpul.”
Setelah selesai bungkus nasi uduk Mpok Minah ngomong lagi ama Mpok Atih.
“Boro-boro duitnya pada ngumpul. Kebanyakan urusannya, kepala gua aja jadi puyeng. Bocah aja ekolah belom pada beli buku ama bayaran. Urusannyapada ngejiben.”
Nasi uduk yang udah dibungkus, Mpok Atih pun nanya.
“Jadi berapa duit mpok 3 bungkus?”
“Yaudah ama lu mah 9 ribu aja”
Setelah nerima nasi uduk dari Mpok Minah, Mpok Atih nasehatin Mpok Minah.
“Kita mesti bersyukur Mpok….masih dikasih rezeki ama diberi kesehatan, coba kalo kalo Mpok Atih sakit …mpok kaga bisa jualan. Lah…kalo Mpok kaga jualan, Mpok kaga punya duit.”
“Iya emang, kita mesti bersyukur ama Tuhan. Kadang-kadang gua lupa ama rezki yang dia kasih ke gua.”
“Mpok Minah mesti bersyukur berkat jualan, Mpk bisa membiayai anak-anak sekolah”
“Iya….tih.”
Walhasil jerih payah yang Mpok Minah lakonin saban hari membuahkan hasil dan bisa membiayai hidupnya.
“Udah dulu ya Mpok ntar kelamaan. Bocah mau pada sekolah ntar kalo kita ngobrol kelamaan nanti sekolahnya pada kesiangan”
“Ya dah, bentar lagi juga gua mau tutup. Ini dagangan gue juga udah pada abis. Liat aja tuh…tinggal gorengan pisang doing yang masih ada, itu juga tinggal 5 potong.”
“Kalo gitu makasih ya Mpok.”
Tidak ada komentar:
Posting Komentar